Yangon um Caesar KTV model hlawh khuaruahhar: Zeiruang dah a si hnga?

Yangon ah a ummi Caesar International KTV nih rian an auh i hlasatu model 100 bak kan herh an ti, thlakhat ah ting 20 in ting 30 tiang nan ngah khawh tiah bia an kamh hna.

Yangon KTV hlasatu model tam deuh nih thlakhat ting 5 cung ngah timi hi a um bal theng lomi a si, nain Caesar nih cun ting 20 leng bak kan in pek hna lai an ti ko. Kawlmi an khuaruahhar ngai cio.
caser
HLasatu model hi pe 5′ 2″ tal a si a hau, a taksa le a mui ai dawh pah a hau tiah Caesar KTV nih caw-ngia an tuahnak ah an telh chih.

Hlasatu model lawng si lo, cabuai hngaktu waitress hmanh thlakhat ting 6 pek ding ah nu 80 kan herh tiah an chim chih.
kaitv
Caesar KTV a tuahtu hi Tuluk rammi a si. Rian an auhnak ah Tuluk ca a tial khomi le a holh kho pahmi cu usaa pek an si lai tiah an chim.

Mizapi cu Caesar caw-ngia an hmuh tikah an khuaruahhar tuk cio, tampi nih ‘ramdang nu zuar hmangmi an si kho’ tiin an lunghrinh colh hna.

Myanmar nungak tampi hi puaisa nih Tuluk ah an kalpi hna i an zuar hna, China ah nu a tong lomi pa nupi caah an ser hna. Nu tampi harnak an tong i China in a rak kirmi zong an tam ngai cang.