Yangon um mino tampi nih aur ngaimi YKKO rawldawr cu Yoma nih an cawk ko cang

Myanmar ram chung rawldawr lakah minthang pakhat a simi YKKO cu Yoma Strategic company nih $12.6million bak in an cawk ko cang, Yoma kut ah YKKO share 65% a phan.

YKKO hi 1988 kum ah Yankin ah an rak thawkmi a si, a thawk ah cun Yankin Kyay Oh tiah an rak auh. A hnu ah YKKO tiin a min an thlen than. Atu cu Myanmar ram chung dawr 37 a karh cang.

Yoma Strategic hi Yoma Bank ngeitu zong an si, Real Estate(inn sak le zuar tbk) zong ah min ngei ngaimi an si. Hruaitu Serge Pun hi Myanmar ram chung mirum bik pakhat a si ve.

An cawk hnu cun Yoma phu nih anmah duh ning in YKKO an kalpi cang lai, YKKO dawr thar tampi chap ding ah timhtuahnak an ngei. Myanmar Times