Hnuk cancer a phuan piak khotu ding nu bawli/bra le kum 18 Mexico pate

Julian Rios Cantu timi kum 18 Mexico pate nih nu bawli phun khat a ser, hi bra i hruk ah cun hnuk nih cancer a ngei le ngei lo tuan tein a phuan piak khawh tiah an ruah.

Hi bawli an sernak hi a sau rih lo, zeitluk in dah rian a tuan khawh timi fiang tein an thei kho deuh rih lo, nain ruahchannak tampi an ngei.
eva sertu
Hi mino pate nih a dirhmi company nih mah bawli an ser ruang ah Global Student Entrepreneur Awards laksawng sunglawi zong an hmuh, $20,000 an pek hna.

Hnuk cancer ngah ahcun hnuk a linh ning temperature hi ai thleng lengmang, hiti a linh ning ai thlenmi cu bawli thar an sermi nih record a tuah, cu record zoh in cancer ngeih le ngeih lo zohfel khawh a si an ti.

Result tha ngah khawhnak ding caah zarhkhat ah minute 90 tal hi bawli cu i hruk a hau lai ti a si.

Mino pate Julian Rios Cantu a nu hi hnuk cancer in a zaw bal vemi a si, a nu a zawt hnu ah hnuk cancer kong a kherhhlai i atu ruahnak thar/idea hi a rak chuahpi a si. A sermi bawli min cu ‘Eva’ an ti.Atu hi kherhhlainak an tuah chih cuahmah. BBC