Hnuk cancer kong research: Zuu din ah hnuk cancer ngah a fawi deuh maw?

World Cancer Research Fund nih hnuk cancer le zuu din ai pehtlaih ning thuk piin kherhhlainak research an tuah i zuu a dingmi nu pawl hi hnuk cancer an ngah a fawi deuh timi an hmuh khawh.

Nikhat ah beer or wine hrai khat te din hmanh ah hnuk cancer ngah nak ding lam a karh ngaingai tiah World Cancer Research Fund nih an phuan.

Zuu a dingmi hna cu hnuk cancer an ngah a fawi deuh lawng si loin kaa cancer, ril cancer le thin cancer zong an ngah a fawi deuh chap rih ti a si.

Hnuk cancer hi zuu din ruang thengte ah an ngah ti si loin zuu din ahcun hnuk cancer ngah a fawi deuh ti duhnak a si, zeiruang thengte ah dah hnuk cancer an ngei cio timi hi fiang tein theih a si lo.

Tisik anhnah tam deuh ei in exercise tam deuh tuah ahcun hnuk cancer hi ngah a har deuh ve tiah thiamsang hna nih an chim. BBC Health