Research hmuhchuahnak thar: Vankhawng tampi a eimi hi nungak nih an uar deuh hna

University of Stirling le Charles University thiamsang hna nih vankhawng kong thuk deuh in kherhhlainak an tuah tik ah vankhawng tam deuh a eimi pa pawl cu nungak nih an uar deuh hna tiah an phuan.

Vankhawng tam deuh a eimi cu an rim ah vankhawng haw an nam deuh, abik in an kaa haw le an zak haw ah vankhawng haw ai tel deuh i hi vankhawng rim te hi nungak nih an uar deuh ngai tiah thiamsang hna nih an chim.

Thiamsang hna nih pa tampi cu vankhawng an ei ter hna, vankhawng a ei loin pa tampi an chiah ve hna, suimilam 12 chung i kholh loin an um ter hna i an taksa rim cu an lak, cu an lakmi rim cu nu 82 an hnimh ter hna tik ah vankhawng a eimi pa pawl an rim cu nu tam deuh nih an uar.

Vankhawng a ei lomi pa pawl an rim cu nu pawl nih an uar lem lo, vankhawng a eimi an rim cu an uar ngai cio ti a si.

Research dang pakhat nih a chim ning ah cun vankhawng a eimi nu pawl cu fa an ngei tik ah an hnuk rim ngakchia caah a thaw deuh, ngakchia nih an din duh deuh ngai ti a si. Telegraph

van aw