Thiamsang ralrin peknak: Nga lak ke massage tuahnak ah HIV zawtnak i lak khawh a si

Nga fate i dawpter in ke massage tuahnak hi tulio vawlei hmun tampi ah a hun lar ngaimi a si, nain thiamsang hna nih HIV zawtnak lak khawh a si tiah ralrin an pek.

HIV zawtnak a ngeimi ke massage ai tuah lio ah ke ah hma a ngeimi massage a rak i tuah ve ahcun HIV zawtnak i chawnh khawh a si, ke ah hma a um ahcun ke massage tuahnak ah kal lo ding ah thiamsang hna nih ralrin an pek hi a si.
lanza1
Nga lak ah ke massage i tuahnak in HIV zawtnak lak hi cu a fawimi a si lo, nain a si kho lo tinak cu a si ve lo tiah UK ngandamnak lei tuanvo ngeitu Health Protection Agency nih an chim.

Ke massage tuah hi Asia ah a lar hmasa, atu cu nitlak lei ram tampi zong ah ke massage tuahnak a um ve cang. Nain, US ram state cheukhat(Florida, Texas etc.) ah cun ke massage tuahnak hi an sianh lo, zawtnak an lak sual lai an phang.

UK ah cun nga in ke massage tuahnak 280 leng bak a um, nga lak ah ke massage tuah hi mi tampi nih an uar ngaimi a si. Daily Mail