US ram chung ah zawtnak chiahru E.coli a karh, lettuce ei tihnung bak ko cang

US ram chung ah antam phun khat romaine lettuce ei ruang ah E.coli zawtnak a ngeimi 197 an si cang, minung 5 cu an nunnak a liam cang.

A thurhnawm ciami lettuce an ei ruang ah or a zawmi he pehtlaihnak an ngei ruang ah E.coli zawtnak hi an ngah cio. Zawtnak a ngahtu hna hi Minnesota, Arkansas, California le New York ah a ummi an si.

E.coli zawtnak hi US ram chung ah a tlung lengmang, nain 2006 hnu cun atu tluk in zawtnak a karh bal lo. 2006 ah khan minung 200 tiang E.coli zawtnak a rak karh bal.

Arizona ah an cinmi lettuce nih tutan E.coli zawtnak hi a karhpi a si lai tiah nawlngeitu nih an ruah, nain fiangfai in an fehter kho rih lo.

E.coli zawtnak ai telmi lettuce ei ahcun an zaw colh, an chungthlik, an luak, a zaw deuhmi hna cu an kaal a thi beh. BBC