El Chapo nih mi pakhat a nun buin thlankhur ah a phum

Bing zuarnak le sualnak lei ah vawleicung minthang ai chuahmi Mexico misual El Chapo nih minung pakhat fak taktak in a velh i a nun buin thlankhur ah a phum tiah a bodyguard thing nih a phuan.

A thahmi pa hi El Chapo a ral phu chungtel pakhat a si, El Chapo nih a fah khawh chung in a hrem, thir a linh i a tuknak, ai cawl kho ti lo hnu ah a kut le ke tem buin thlankhur ah a thlak i a phum beh ko tiah a bodyguard nih a chim.

Keimah mithmuh lawng ah El Chapo pumpak nih minung pathum a thah hna, a thahmi hna hi fak taktak in a hrem hna hnu, an ruh a kiah dih hnu ah meithal in a thah beh hna tiah a chim.

El Chapo cu Mexico police nih an tlaih i a thli tein a zam than lengmang, nain atu cu US cozah kut ah Mexico nih a ap cang caah a luat kho ti lo. Bia an ceih piak cuahmah, nun chung thongtla ding dirhmun ah a um.

A bodyguard Mr Valdez Rios zong US thonginn ah a um ve, a boss hlun El Chapo kong a theih tawk a chim caah thong a tlak ding kum an zuh piak te lai tiah an ruah. BBC