Hlasakthiam Sui Lian nih warning peknak a tuah, ‘Laimi le Laimi theihthiam timi a um ti lai lo’ a ti

Hlasakthiam minthang ngai a simi rocker Sui Lian nih YouTube ah hla thlah a hmangmi pawl sin ah warning peknak a tuah ko cang, kan zoh sawhsawh ti hna lai lo tiah a tanglei bantuk in Facebook ah a tial.

Zaangfaahnak in nan ka dawt lung a si ah a zei a si paoh ah ka hla pawl youtube ah ka upload piak duh hlah uh tiah kaan nawl duh hna, upload or cover nan duh pingpang sual cun ka chim uhlaw copyright te kaan peek khawh ko hna. Abiana ah copyright kaan peek hna zong ah atumtu min, hlaphan tu min cun a satu min min credit peek ding i chim ceih hnu ah lungtlinnak kan laak hnu in nan thlah duh i cawisan nan kan duh cun tuah khawh si ko. Cun ka hla in tangkaa kawlnak tuah nan duh zong ah a cung i lungtlinnak(agreement) kan neih cun hna kaan hnawh hna lai lo.

Adonghnak bik ah ka hla hi vawleipumpi music i dustry chung ah tangkaa peek te in resgistration zong ka tuah,tangka ngah tthannak ding zong in ka tuah bantuk in social media a si lo ah youtube in nan ka upload piak tthan sual cun mah ca ka ttial mi cherhchan in faak nawn tein ka cawl caang ve cang lai, Laimi le Laimi pei kan si cu i theihthiam timi a um ti lai lo. Nan min hlen in nan tuah zong ah nan IP address kan sin ah a um ti kha philh hrim hlah uh. IP address a thei lo mi nan um sual cun google or keimah direct in ka hal te uh.

Kan Lai hla a ngai mi vial te kaan dawt dih hna ka hla a ngaai mi chin chin cu kaan dawt khun hna.
I love you all
Sui Lian