Vawlei minthang Paris biakinn Notre-Dame a kang, rammi vansang an um

France ram Paris ah a um i vawlei hmun kip in an rak zohmi biakinn hlun Notre-Dame cu mei nih a kangh i ai dawhnak vialte a tlau dih cang, France rammi an lungfak tuk cio.

Biakinn a cunglei ai dawhnak vialte cu a kang dih cang, nain darkhing an chiahnak tower pahnih belte cu meithattu nih an khamh manh. Biakinn building zong a tlu hraw lo.

Mei ai thawknak an thei kho rih lo. Biakinn hi a hlun tuk cangmi a si i a kakmi lung pawl cu nai hrawng an remh, an remhnak hmun in mei ai thawk a si lai tiah tampi nih an ruah. Fiang tein theih khawhnak ding caah kherhhlaitu phu zong an ser cang.

Mah biakinn hi kum 850 bak a hlun cangmi a si. France rampi rumra ngeitertu bik tiah an ruahmi zong a si. Kum khat ah vawlei hmun kip in a rak zohtu 13 million leng an si tawn.

Hi biakinn a kanghnak hmun ah France Prime Minister Macron zong a kal, a lungfak tuk, dawh taktak in kan sak than lai tiah mizapi hmai ah a chim.

President Trump le UK Prime Minister nu zong nih an lungthat lonak kong an chim ve. BBC

aifel1

aifel2

aifel3

aifel4

aifel5

aifel6

aifel7

aifel8

aifel9

aifell

aifell1