Apple company stock man fak tak in a tum, trillion hlawhtlinnak nih a kaltak beh

Phone le laptop tha bik a sertu Apple company nih kan hnu thla 3 chung an riantuannak kong an phuan, culecangka in an company stock/share man fak taktak in a um.

Apple hi vawleicung public company lakah 1 trillion a phan kho hmasa bik a si. Nain, company share 7% bak a tum caah Apple company cu $1 trillion man a si ti lo, an company man(market cap) $992.5 billion lei ah a tum cang. Thaizing lei a kai than te hnga maw tiah ruah a si.

Apple nih tutiang ah cun iPhone le a dang an thilri vialte tluang ngai in an zuar khawh, a miak zong voidang nakin a karh deuh ko. Nain, iPhone an zuar khawh ning a nuar deuh cang lai tiah tampi nih ruah a si.

Tuhnu ah cun iPhone zeizat dah kan zuar khawh timi zapi sin kan thanh ti lai lo, iPhone tam le tlawm zuar khawhnak hi Apple a thancho le thancho lo tahfung a si lem lo tiah Apple nih an chim.

Apple nih iPhone an zuar zat langhter ti lo ding biachahnak an tuahmi cung ah phaisa phuntu(investor) pawl an lungtling deuh lo. BBC