‘Iran hi kan thuat taktak ahcun a ci mit cikcek ko lai’ – President Trump

USA hi rak tlerh ve lengmang hlah, kan in thuat taktak sual ahcun Iran timi min vawlei ah a tlau cikcek ko lai, nan ci a mit lai tiah President Trump nih Iran a tlerh.

Nai hrawng hi Iran pawngkam Middle East lei ah Trump cozah nih vanlawng tampi a phor khomi raltuk tilawng le bomb phormi vanlawng tam nawn an thlah hna, Iran he an i thua sual hnga maw tiah ruah cio a si.
tailawng2
Iran zong nih hmurka in cun US cozah a rak tlerh lengmang ve. A ngan takmi dollar billion man tilawng cu Iran missile pakhat nih pil lak a kah khawh tiah a au lenmi zong an um.

Ram sual cheukhat nih Iran an kan tuk ko, an kan tei bal lo, Iran cu fek tein a dir peng ko i a dohtu ram hna cu an tlu lengmang, mah hi US zong nih ai fian a herh, mi upat pah awk a si tiah Iran ramdang vuanci nih President Trump a bia cu a leh ve.

USA le Iran hi a hlan tein ai ral ngaimi an si, President Trump nih Obama sermi Iran nuclear hnatlaknak a thah hnu in Iran le Trump cozah kar i rem lonak a karh. BBC