Iran nih a thli tein US ralkap thuat a timh, US raltuk tilawng an thlah colh ve cang

Iran nih a pawngkam ah a ummi US ralkap hna cu a thli tein thuat a timh hna timi biathli a lang hnu in US nih ralkap runvengtu caah raltuk tilawng USS Abraham Lincoln an thlah colh ve.

Iran nih US ralkap or a hawikom a thuat sual ahcun ai chir lai, ceilak in lehrulh colh a si ko lai, raltuk tilawng le special ralkap kan thlah hi Iran ralrin peknak caah a si tiah US National Security Adviser John Bolton nih a chim.

Ral i tuk kan duhmi cu a si lem lo, nain Iran nih US ralkap or kan hawikom pakhatkhat an tuk sual hna ahcun lehrulh colh ding timhcia kan si tiah John Bolton nih a chim chih.
tailawng1
Syria le Iraq ah US ralkap tampi an um, Iran he an i naih ngai. Iran nih thuat ding timhtuahnak a ngei cuahmah timi US cozah nih an theih caah raltuk tilawng USS Abraham Lincoln zong an thlah colh hi a si.
tailawng
Iran le US hi ai rem lo taktakmi an si. Trump nih Obama sermi Iran nuclear hnatlaknak a kaltak hnu in an i rem lo a zual. ABC News