Iran nih US a thuat taktak cang ko, nain Trump nih cun biafang lawng in a lehrulh

Tuchun ah khan mawnghtu minung ngeilo US drone vanlawng cu Iran pawng ah a zuang, Iran nih Iran van ramri a rak lonh an ti caah an kahthlak diam ko.

Iran ralkap nih Iran vawlei, Iran rili le Iran van vawlei kan runven a herh, kan ramri a rak lonhmi poahpoah cu zeibantuk minung an si zong ah thuat an si ko lai tiah Iran ralkap nih an chim.

President Trump cu a lungrawk tuk, hmurka dah ti lo cun a dang lam in Iran a lehrulh ngam lo. “Iran nih palhnak ngan taktak a tuah,” tiah Twitter ah a tial. Hibantuk catial menmen cu Iran nih zeirel dawh si lo.

US drone vanlawng hi international airspace ah tha tein a kalmi a si, Iran ramri ah a lut bak lo, a luh lo buin an kahthlak tiah US ralkap nih an lungfahnak an phuan.

Nai hrawng hi US-Iran kar ah i remlonak a karh ngai, an i thua taktak te hnga maw tiah ruah cio a si. Iran pawng ah US nih US ralkap le hriamnam tampi an chap.

Tilawng cheukhat zong Iran pawng ah bomb puah hnawh an tong, bomb puahtu Iran an si tiah US nih cun an chim. Iran nih US drone a kah ngammi zoh tikah Iran nih US a ngamh ngai ko timi a lang. BBC