Jesuh thawngtha phuan ai timnak thah a tongmi US missionary ruak lak a har, lungre a thei

India rili kam vawlei Andaman Island ah a leng vawlei he pehtlaihnak a ngei lomi miphun sin thawngtha chim ai timh i thah a tongmi US missionary ruak an la kho rih lo.

Hika a ummi miphun hna hi a leng minung he pehtlaihnak tuah a duh bak lomi an si, an sin a rami poah cu an si khawh chung in thah khawh an i zuam.

US missionary John Allen ruak cu mah hna miphun an umnak ah an phum caah India police nih an luh hnawh ngam hna lo. An luh hnawh hna si ahcun hika ummi miphun le India police ai thua ding an si.

Sentinelese miphun le India police an i thuat sual ahcun kap hnih caah tihnung ngaimi a si. Atu hi India police nih tluang tein ruak lak khawhnak lam an kawl cuahmah.

Hi miphun sining fiang deuh in a theimi hna nih cun John Allen a ruak hi lak i timh awk a si lo, lak a timhtu police ca zong ah tih a nung i Sentinelese miphun ca zong ah tih a nung tiah an chim. BBC