Justin Bieber: ‘Pathian he i naih ka duh i kum 1 chung nupa sualnak ka tuah lo, thluachuah sunglawi ka ngah ve’

Hlasakthiam minthang Justin Bieber nih Pathian he i naih deuh a duh ruang ah kum khat chung bak nupa sualnak tuah loin a umnak kong Vogue mekazin ah a phuan.

Kum khat chung nupa sualnak tuah loin ka um hnu ah Pathian nih nupi tha taktak ‘Hailey Baldwin’ laksawng aka pek, kai pumpekmi cung ah Pathian nih nupi thluachuah aka pek hi a si a ti.

Pathian nih nupa sinak tuah hlah u a kan ti lo nain nupa sualnak tuah loin um hi Pathian he i naih deuhnak a si tiah ka ruah caah kum khat chung kai sum hi a si, ka thlarau caah nupa sualnak tuah kai sum a ti.

Hailey he kan i uar than hnu zong ah caan saupi nupa sinak kan tuah lo, phung ning tein thitumnak kan tuah hnu lawng ah nupa sualnak kan tuah tiah a chim.

Ka darling he rianrang deuh in thitumnak kan tuahnak aruang pakhat cu nupa sualnak tuah kan duh cang caah a si, thitum hlan nupa sualnak tuah kan duh lo tiah a chim chih.

Justin Bieber le Hailey hi caan saupi an i uar manh lo, an i uar timi thawngpang a len hnu tlawmpal ah thitumnak an tuah colh ko. Justin a darling thing Selena cu a lungrawk tuk lai tiah ruah cio a si. TMZ

juste

juste3

juste2

juste1