Pathian sin a zumnak a fek tuk caah rian phuah a tong, nain khuaruahhar laksawng a ngah than

US ram Miami hotel ah kheng a tawlmi Marie Jean Pierre cu Pathian ai bochan tukmi a si, Zarhpini cu Pathian biakni a si a ti ko nain hotel nawlngeitu nih Zarhpini rian an tuanter lengmang.

Rian an auh lio hrim ah ‘Zarhpini ka tuan kho lai lo, biakinn kal ka duh’ a rak ti cang hna. Nain, Zarhnpini rian an pek tikah a tuan lo, Pathian biakinn ah a kal.

Voi 6 tiang Sunday rian an pek i a tuan lo, biakinn a kal lengmang caah hotel nawlngeitu nih a rian an phuah beh. A lungrawk tuk ve caah Marie Jean Pierre cu biaceihzung ah a kal.

Biaceihtu nih Marie Jean a sining thuk deuh in an kherhhlai tikah hotel nawlngeitu nih Marie Jean a biaknak lei zalawnnak an hnursuan a si, ningcang loin harnak an pek an ti i $21.5 million bak pek ding biachahnak an tuah.
khaitawl3
Marie hi Conrad Miami hotel ah kum 10 leng rian a tuan cangmi a si. A thawk ahcun Zarhnpini ah rian an pe bal lo, nain 2015 hnu ah pek hram an thawk. March 2016 ah a rian an phuah beh. Yahoo News