President Trump caah mangchia a tlung, Obama te phu an i lawm hringhran

Zahan thimnak ah Republican cu tam nawn an sung, US House(Pyithu Hluttaw bantuk) cu Democrat nih an control khawh cang, Trump caah mangchia taktak a si.

Democratic Pary nih US House of Representatives an control khawh cang caah fawi ngai in President Trump a sualnak an kawl khawh cang lai. A riantuannak a dik le dik lo zong thuk deuh in an kherhhlai kho cang lai tinak a si.

Upadi zong President Trump nih fawi tein a ser kho ti lai lo, Mexico ramri ah sak a timhmi vampang nganpi zong sak kho ding dirhmun ah aum ti lo.

Atu thimnak hnu President Trump a dirhmun cu a kut khat lei a bulmi bantuk a si cang lai, president a si ko nain zalawng tein a cawlcang kho ti lai lo tinak a si.

Senate(Amyotha Hluttaw bantuk) cu Republican nih an control khawh than, President Trump caah a kut khat lei cu a hman khawh rih lai tinak a si. Nain, hmual a ngei tuk ti lai lo. BBC