President Trump nih ‘IS ralhrang 800 hi rianrang in rak la u’ tiin EU ram warning a pek hna

US ralkap le Kurdish hriamtlai phu hna nih IS ralhrang an ram vialte lak dih cikcek an timh cang, an thuat hna nak ah IS ralhrang tampi an tlaih hna i 800 hrawng hi EU rammi an si.

IS ralhrang 800 hi rianrang in rak la than u law bia ceih piak u, a herh ning in thongthla ko u, nan lak hna lo cun thlah than an hau sual lai tiah EU ram pawl cu warning a pek hna.

Hi vialte IS ralhrang hi Europe ah tihnung ngai in an rak luh than ding kan duh lo, cucaah kan tlaih ciami ralhrang hna hi rak char ko uh tiah a chimh hna hi a si.

Atu hnu nikhat hnih ah cun US le Kurdish ralkap hna nih IS ralhrang an ram vialte an lak dih cang lai tiah ruah a si. Atu a tangmi IS ralhrang an hmunhma cu chimtlak a si ti lo.

Europe ram ah Muslim milu an tam, IS ralhrang sin ah Europe Muslim tam taktak an lut. IS ralhrang ral an sung thluahmah hnu ah cheukhat cu an rak kir.

UK in IS ralhrang a lutmi 50% cu UK ah namah lungtho tein an rak kir than cang, Frnace le Germany IS minung zong tampi an rak kir ve cang. A kirmi hna hi taza cuai in biaceih piak an si. BBC