President Trump nih US sihni lutlai bik attorney general a rian a phuah

President Trump nih US sihni lutlai bik Attorney General Jeff Sessions cu a rian in a phuah ko cang, zeitik dah a phuah te hnga tiah tampi nih an ruah cangmi a si.

Jeff Sessions hi Trump tanpi ngaitu a si, attorney general caah President Trump lila nih a thim. Nain, a ka dirhkamh lo tiin Trump nih voi tam nawn sual a phawt.

Russia kong sual kawlnak ah Jeff Session ai tel ve awk a si, nain amah tein i tel lo ding biachahnak a tuah. Ai tel ruang ah Trump a thinhung, i tel ko sehlaw aka dirhkamh khawh lai a ti.

Caan karlak attorney general rian a tuantu ding caah Trump nih Jeff Sessions tang rian a tuanmi Matthew Whitaker a thim, anih hi Russia sual kawlnak kong ah Trump lei kap in a tang ngaimi a si.

Jeff Sessions rian a phuah i Matthew Whitaker rian a tuanter hnu cun President Trump nih Matthew Whitaker a hman lai i Russia kong sual kawlnak a thah khawh cang lai tiah an ruah, a thah lai maw timi cu theih a si rih lo. BBC