President Trump policy caah a biapi tukmi US thimnak an thawk cang, Khrihfa caah thin a phang

US ram chung upadi sertu MP thimnak cu tuzing an thawk ko cang, President Trump policy a nun khawhnak ding caah tutan thimnak hi a biapi hringhran.

Atu lio hi Trump party a simi Republican party nih US House he Senate he an control, Trump nih upadi thar ser a duh tikah fawi deuh ngai in an fehter kho. Republican nih cozah zong an tlaih i Congress zong an control chih tinak a si.

Nain, tutan thimnak ah Democrat an thawn sual i Congress an control khawh sual ahcun President Trump cu a caan tangmi kum 2 chung ai cawl kho tuk lai lo.

Democrat MP lungtlin loin upadi a fehter kho te lai lo, a caah a har tuk te lai. Atu lio Suu Kyi bantuk khin rian hma kalpi kho loin a um te kho.

Tutan thimnak hi mipi nih President Trump zeitluk in dah an tanpi or an huat timi a hmuhsaktu pakhat a si lai.

President Trump nih Republican teinak ngah khawhnak ding caah biatak tein campaign a tuah ve, Khrihfa upa tampi zong bawmh a hal hna. Democrat nih teinak an ngah ahcun Khrihfa caah tihnung tuk te kho a ti.

Tuni thimnak ah US House MP thutnak hmun dihlak 436 le Senate thutnak 35(thutnak 100 chung ah) an i cuh lai. Tuzaan cu result a fiang pah cang lai. BBC