President Trump: ‘US state tampi nih sianginn ah Bible chimh an timh cang’

US state tampi nih cozah sianginn ah Bible chimh ding timhtuahnak an ngei cuahmah, an thiltuahmi a tha tuk hringhran tiah President Trump nih a chim.

US state a simi Missouri, Indiana, West Virginia, Virginia, North Dakota le Florida hna nih cozah sianginn ah Bible chimh ding an i zuam cuahmah hi a si. Upadi fehter ding timhtuahnak an ngei lio.

Cozah sianginn ah Bible cawnnak hi subject pakhat ah a si te lai, siangngakchia duhthim nak nawl an pek hna lai, hramhram in cawnter si loin a huammi lawng nih cawn a si lai.

President Trump hi Khrihfa a tanpi ngaimi pakhat a si. Bible hi vawleicung cauk lakah ka uar bikmi a si tiah a chim bal, a nu nih a pekmi Bible zong tuni tiang ai chiah peng rih ko. The Hill