Russia kong Trump sual kawlnak a dong cang, Trump a sualnak pakhat hmanh an hmu lo

Kum 2 chung FBI nih Russia kong ah President Trump a sualnak an kawl nain a sualnak pakhat hmanh an hmu kho lo, an sual kawlnak an donghter cang.

2015 thimnak ah Pi Clinton tei khawh ding caah Russia le Trump phu an rian an tuanti tiah Democrat phu nih Trump le a riantuantu hna cu sual an puh hna. FBI hmang in kum 2 chung an sualnak an kawl hna hi a si.

Trump huatu liberal pawl cu an lungrawk hringhran ko, FBI director hlun Robert Mueller phu nih Trump a sualnak an hmuh lai i a rian phuah a tong te lai timi hi liberal nih an i ruahchan ngaimi a si. Nain, an saduhthah cu pakpalawng ah a cang.

US president rian ai awt hnu tlawmpal ah FBI nih Trump a sualnak kawl hram an i thawk i zahan nai tiang an kawl caah Trump cu a zai lengmang. Nain, tutan result an thanh hnu cun a hngangam tuk than cang.

Kan ram ah hibantuk a dik lo tukmi sual kawlnak an tuah khawh hi ningzah tuk awk a si, ningcang lo tuk in thlak an ka timh nain an hlawh tling kho lo tiah President Trump nih a chim. BBC