Sarah Sanders: ‘Pathian nih US president tuan ding ah Trump a thimmi a si’

Vawleicung thil a cangmi vialte hi Pathian khuakhan lawngte a si, Trump zong hi US president tuan ding ah Pathian hrimhrim nih a thimmi a si tiah White House biachimtu Sarah Sanders nih a chim.

Pathian nih kan nun chung tuan ding rian tampi a kan pek, Trump zong hi US president tuan ding a thimmi a si, a thim caah atu US president a tuan khi a si, Pathian thimmi president a si caah Pathian zumtu hna caah thiltha tampi a tuah cang tiah Sarah Sanders nih a chim.
sander
President Trump hi Khrihfa a tanpi ngaitu a si, Khrihfa zumtu hna covo biatak tein a aupi, amah zong zumtu tha ka si tiin a chim lengmang.

US ram chung Khrihfa zong nih an tanpi ngaingai, vunrangmi US Khrihfa 80% bak nih 2016 thimnak ah vote an pek, Republican president lakah Khrihfa nih tanpi bikmi pakhat a si ve.

Trump hi amah nih cun Khrihfa tha ka si ai ti lengmang ko nain a lungput le a tuahsernak zoh tikah Khrihfa a lo loh tiah tampi nih an soisel ve. BBC