Siibawi nih President Trump a ngandamnak an check, result an phuan cang

President Trump cu siibawi thiamsang 12 nih suimilam 4 chung a ngandamnak tha taktak in an check i a ngandamnak a tha taktak tiah result an phuan.

President a tuan chung ah a ngandamnak a tha tuk rih lai, rian ai din hnu caan saupi tiang a ngandamnak a tha tuk rih ko lai tiah White House siibawi Sean Coley nih a chim.

President Trump hi a thau tam deuh, a weight 4.5kg zorter ding ah siibawi nih an rak forh bal. Nain, a weight belte cu a zor deuh lem lo. Exercise tuah a huam deuh lo tinak a si.

A thau deuh ko nain a ngandamnak cu a tha taktak rih ko, a caah zeihmanh phan awk a um rih lo tiah siibawi nih an chim hi a si.

Trump hi zaan khat ah suimilam 4 lawng a it, cun pumsa caah a tha lem lomi a thaumi rawl(fast food) tampi a ei, Coca Cola zong nikhat ah dur 10 leng a din tawn ti a si.

Midang he ai dannak pakhat belte cu a rum tuk ko nain zuu a ding bal lo, kuak zong a zu bal lo, rithaizii zong a tongmi a um lo. Hibantuk lei ah cun a thianghlim ngai. BBC