State visit: Hlunghlai taktak in UK cozah le siangpahrangnu nih President Trump an don

UK cozah le siangpahrangnu nih an sawm bantuk in US President Trump cu UK a rak tlawng i hlunghlai taktak in an don, Queen Elizabeth he zong an i tong cang.

State visit timi hi tlawnnak sawhsawh a si lo, a biapi taktak tiah ruahmi a si. UK nih cun kum khat ah ramdang hruaitu 2 nak tam ‘state visit’ caah an sawm hna lo. An sawmmi hna cu sunglawi tak in an don hna.

UK cozah le siangpahrangnu nih hlunghlai taktak in President Trump an don tikah Trump a huatu liberal pawl an lungrawk tuk, thaizing hi UK ram chung khua tampi ah lam kan zawh lai an ti.

Thaizing hi President Trump a duh lomi sandah piahtu an tam ngai lai tiah an ruah. UK ah party ngan bik a si vemi Labour hruaitu Jeremy Corbyn zong Trump a uar lonak kong thaizing a chim ve lai.

President Trump cu UK a rak phan hlan te ah London khua uktu mayor Muslim pa Mr Khan he zohchia ngai in an i si, Mr Khan nih Trump hi UK ah sawm awk a si lo a ti caah biachia ngai in Trump nih a thuat hi a si.

UK siangpahrangnu Queen Elizabeth nih a chanchung ah US president 12 cu a ton ko hna nain president 3 lawnglawng ‘state visit’ in a sawm hna – George W Bush, Obama le Trump an si. BBC

stui

stui9

stui8

stui7

stui6

stui5

stui4

stui3

stui2

stui1