Tihnung thlichia totho nih Indiana le Ohio fak ngai in a den, minung 5 million harnak an tong

Tihnung bakmi thilchia totho nih US ram Ohio le Indiana a den i innlo tampi a hrawh hlei ah minung 5 million leng electric mei loin a chiah hna, harnak an tong.

Totho hi a thazaang a thawn tuk caah Ohio ummi inn tampi cu ceilak a hrawh hna. Thingkung tam lak a thluk fawn. Thingkung le thurhnawm nih lampi tam taktak a khar.

A thimi cu an um hraw lo. Minung tam ngai hliamhma an hmu. Ohio ummi Dayton khua ah cun ti chiahnak ah an hmanmi electric mei zong a ngah ti lo caah semrel deuh in ti hman ding mipi thawng an thanh hna.

Indiana ummi Pendleton khua zong ah totho thlichia a hrang ve, thingkung tam lak a thluk. Ohio tluk cun innlo a hrawh lo. Nain, thilchia ai pehzulh lai lai caah i ralrin cio ding mipi thawng an thanh hna.

US ram chung ah totho thlichia a hrang lengmang, minung a thimi an um pah theu. Kan hnu zarh zong ah khan Oklahoma ah totho thlichia nih minung 2 a thah hna. BBC

pingtho

pingtho3

pingtho2

pingtho1