‘Trump hi Russia cozah riantuantu a si kho’ tiin FBI nih sual kawlnak an tuah

FBI nih President Trump hi Russia cozah caah rian a tuanmi a si maw tiin kherhhlainak an tuah tiah New York Times nih thawng an thanh.

President Trump nih FBI director hlun James Comey a rian a phuah hnu in FBI upa nih Trump an zumh ti lo, Russia caah rian a tuanmi a si kho timi ruahnak an ngei i a thli tein zohfelnak an tuah diam hi a si.

US rampi humhimnak caah President Trump hi tihnung tukmi minung a si le si lo zong FBI nih zohfelnak an tuah fawn.

Hi thawngpang kong ah President Trump a lungrawk ngai, tet-te pakhat hmanh um loin FBI hruaitu hna nih keimah sual kawlnak an tuahmi cu khuaruahhar le lungrawk taktak a si tiah a chim.

FBI nih US president pakhat hiti lawmmam in sual kawlnak tuah cu phundang ngai a si, President Trump a lungrawk hringhran ko lai. BBC