Trump le Nancy an i sik ning cu ngakchia an lo ko, Trump nih vanlawng a chuh

US cozah an kharmi cu ni 27 bak a si cang, US tuanbia ah a sau bikmi a si nain Trump le Democrat hruaitu House Speaker Nancy kar ah hnatlaknak an ser kho rih lo.

Nancy Pelosi nih President Trump cu Congress ah kum fatin sunglawi ngai in tuah tawnmi State of the Union president biachimnak a caan thawn ding ah ca a kuat, Trump a lungrawk ngai dawh a si.

Trump nih lehrulhnak ah Nancy cit ai timhmi US ralkap vanlawng a chuh, Nancy le Democrat hna cu Afghanistan ah US raltuk vanlawng hmang in kal an i tim. Nain, vanlawng chuh an ton caah an kal kho than lo.

Vanlawng an i thawh lai bak ah President Trump nih ralkap vanlawng in nan kal kho lo tiah nawl a pek hna hi a si.

Tutan US cozah an khar kar ah US cozah riantuantu minung ting 8 hrawng hlawh an ngah ti lo, ram chung cozah park le zung tampi an khar.

President Trump nih vampang phaisa ai tel lo cun cozah budget ka fehter kho lo, minsen ka thut lai lo a ti cang. Democrat nih vampang caah cozah phaisa an duh bak ve lo. BBC