Trump vs Democrat raltuknak: A duhmi a ngah lo buin a lungdong i ai ngol ko cang

President Trump nih ramri vampang phaisa loin US cozah honnak minsen ka thu kho lo a ti ko nain a bia a let ko cang, ramri vampang ai tel lomi US cozah phaisa a fehter ko cang.

Democrat nih Mexico ramri vampang caah US cozah phaisa na hmang kho lo tiah President Trump cu an chimh, atu cu Democrat teinak an ngah tinak a si.

US cozah an khar hi ni 35 bak a si cang, hi chung ah federal cozah riantuantu 800,000 leng hlawh an ngah lo, harnak fak piin an tong. Tam deuh nih Trump an mawhchiat.

Caan sau taktak US cozah a khar i a duhmi ngah loin a hon than tikah President Trump cu a sung ngaingai tiah tampi nih ruah a si. Republican tampi nih an mawhchiat ngai.

Tutan an fehtermi US cozah phaisa upadi hi February 15 tiang lawng a nung ding a si, hi karlak ah hnatlaknak an ngah khawh lo ahcun an khar than kho men.

President Trump nih February 15 hlan ah ramri vampang phaisa a ngah lo ahcun lam dang in ramri phaisa ngah khawhnak lam ka kawl tiah a chim. BBC