Ukraine kong ah Russia a hun lor deuh caah Trump nih Putin tonnak hnon a timh

Crimea pawng rili ah Russia ralkap nih Ukraine rili ralkap tihnung ngai in an pah chih hna i an tlaih hna hnu in President Trump cu Putin cung ah a lungtling deuh ti lo.

Tuzarh chung ah President Trump le Putin tonnak ngei ding an si. Nain, President Trump nih tonnak ka hnon a hau ko lai, Russia umtuning a dik ti lo tiah a chim.

Russia nih Ukraine raltuk tilawng le ralkap an tlaih hna nak kong thuk piin report ka ngah tikah Putin tonnak ka hnon lai maw timi a fiang tei lai a ti.
sokai
Russia nih Ukraine nek phun in a tuahto hi ka duh bak lo, a phung a si lo tiah President Trump nih a chim chih.

Ukraine ralkap tlaih an tonnak rili hi Crimea pawng rili a si, Crimea cu 2014 hlan chung Ukraine ram a si, 2014 ah Russia nih a rak chuh.
sokai1
Tlaih a tongmi Ukraine ralkap 24 cu Russia TV ah an tar hna, anmah lakah 3 hi Russia tilawng nih an pah hna nak ah hliamhma an hmu. BBC