US Air Force ralkap Monica Witt nih US a rawiphir i Iran spy a tuan diam ko

US vanlawng ralkap caan saupi a tuanmi nu Monica Witt nih US ralkap a kaltak i US ral ngan bik Iran cozah caah spy a tuan, US a rawiphir diam ko.

Monica Witt cu ralkap a tuan chung ah US biathli tampi a thei khomi a si. A theihmi US cozah biathli vialte Iran sin a phuan. Ralkap a tuan lio a hawile an computer zong ah spy software zong chiah a timh ti a si.

Atu hi FBI nih Monica Witt a umnak fiang in an thei kho lo. An tlaih khawh ahcun taza cuai in thongthlak ai huah ding a si.

Anih hi Iran nih tuahmi conference a kai hnu in Iran tanh hram ai thawk, Iran ah a kal i Muslim ah a lut. US a huatnak tampi Facebook ah a tial.

Monica Witt nih US cozah biathli a phuanmi lakah tihnung ngaimi cu US spy pakhat a umnak le an sining a phuanmi hi a si. Spy a nunnak caah tihnung tukmi dirhmun ah a chiah. BBC