US California zudawr ah minung 12 a thattu pa a sining an theih khawh cang

US ram California um zudawr pakhat ah zahan zaan ah minung 12 meithal in thah an tong, a thattu cu a thluak hman tuk ti lomi David Long a si.

David Long cu US ralkap a tuan bal, Afghanistan zong ah a kal i ral a tuk bal fawn. Ralkap in a chuah hnu ah a thluak umtuning a dik pah ti lo. A umtuning a dik lo ruang ah police nih a luancia caan ah an kal hnawh i bia an hal bal.

A thluak dam lonak hi a zual tuk lem lo caah thluak hman lo siizung ah chiah a herh lem lo an ti i an zoh sawhsawh. Atu cu minung 12 a thah hna hnu ah amah zong a thi ve.

David Long nih ai kenmi meithal hi phung ning tein a cawkmi a si ko. Zudawr ah cun a rak lut i a hmuhmi poah a kah thluahmah ko hna, a thahmi lakah police pakhat ai tel. BBC

maintel1

maintel