US company ah minung pakhat nih meithal in mizapi a kah hna, 5 an thi cang

US ram Chicago pawng ummi company ah minung pakhat nih meithal in a hmuhmi poah a kah hna i minung 5 an nunnak a liam.

Minung tam ngai hliamhma an hmu. Police 5 zong meithal kuan nih a khen ve hna, an nunnak caah phan awk cu a um lo, siizung an phan. Mithattu pa zong police nih an thah ve.

A kah hna nak company hi Henry Pratt Company a si, pipe sernak a si. Misualpa Gary Martin hi mah company ah rian a tuan balmi a si ve. Zeiruang ah dah a kah hna timi theih a si rih lo, rian phuah a ton ruang ah a si kho tiah a ruatmi an um.
gary

Mithattu pa hi meithal a rak i ken i company hmun ah a rak luh le cangka in a hmuhmi poah a kah thluahmah ko hna, riantuantu tampi cu innka an i hrenh khumh, an i thup hna.

Police nih thil sining an theih le cangka in an rak lut colh ve, mithattu pa he an i kap, hiti an i kah nak ah police 5 cu mithattu pa nih a khen ve hna hi a si. BBC

gary4

gary3

gary2