US cozah khar ni 19nak: President Trump nih Democrat hruaitu ‘bye-bye’ a ti hna

US cozah an kharmi hon than ding ah President Trump le Democrat hruaitu meeting an thu, nain Democrat hruaitu nih vampang caah cozah phaisa kan hmang kho lo timi an i tlaih rih caah Trump nih bye-bye a tuah hna.

Democrat hruaitu he meeting tuah cu a lak in caan dihter a si ko, Mexico ramri vampang caah cozah phaisa hman ding nan lung tlinpi kho lai maw tiah ka hal hna i ‘no’ an ti caah meeting tuahnak room in ka chuah tak hna tiah President Trump nih a chim.

Vampang saknak phaisa fehter loin cozah budget min ka thu kho lo, a herh ahcun ‘national emergency(azipaw)’ ka thanh lai i Democrat hnatlakpinak lak loin vampang kan sak ko lai tiah a chim chih.

Democrat hruaitu nih cun President Trump fak piin an mawhchiat ve, amah duhnak lung ai rinhmi a si an ti len ve.

Mexico ramri ah sak ding vampang phaisa ai tel lo caah Trump nih US cozah budget a fehter duh lo, tuhi federal cozah riantuantu 800,000 hrawng hlawh ngah loin an um, harnak an tong. BBC