US Florida bank ah tlangvalpa nih meithal in minung 5 a thah hna

US ram Florida ummi bank pakhat ah Zephen Xaver timi tlangval pate nih meithal in bank pakhat a luh hnawh i a chung ummi minung 5 bak a thah hna.

Minung 5 a thah hna hnu in amah lila nih police a auh hna i an tlaih colh ve. Police nih minung thah sualpuhnak in taza an cuai cang.

Police nih Zephen Xaver a darlingnu bia an hal tik ah ‘Zephen Xaver hi meithal a duh tukmi a si, minung thah dih ka duh hna tiah a chim lengmang’ tiin a chim. A hawile thah dih ka duh hna a ti ruang ah sianginn phuah a tongmi zong a si.

Bank thengte ah a lut i minung 5 a thah hna nak aruang fiang tein an thei kho lo, minung thah duhnak lungthin ruang men ah a si ko lai tiah police nih an ruah.

A thahmi hna lakah bank riantuantu zong an i tel i mileng customer zong an i tel. Bank nawlngeitu nih an ngaihchiatnak zong an langhter. BBC