US Florida: Yoga studio ah pakhat nih meithal in a kah hna, minung 2 an thi

US ram Florida ummi Yoga tuahnak hmun ah meithal he minung pakhat a rak lut i a kah thluahmah hna, minung 2 an thi i a dang 5 hliamhma an hmu.

Misualpa cu a min ah Scott Paul Beierle an ti, minung 2 a thah hna hnu in amah zong ai that ve. Zeiruang ah dah a thah hna timi theih a si rih lo.

Hliamhma a hmumi 5 lakah 3 cu siizung an chuak cang, a dang pahnih cu an hma a zual deuh caah siizung ah an um rih. BBC