US misualpa nih ‘minung 90 ka thah cang hna’ tiah police sin a phuan

US ram Kentucky ah a ummi misualpa Samuel Little nih US ram chung minung 90 a thah hna nak kong cu US police sin ah a phuan ko cang.

Anih hi nu 3 a thah hna hnu ah US police nih an tlaihmi a si. An tlaih hnu in bia an hal lengmang tikah US ram chung minung 90 a thah hna nak kong cu amah tein a phuan beh.

A thahmi tam deuh hi nu an si hna. Kum tam nawn chung ah hi zat minung a thah hna a si. Zeiruang ah dah a thah hna timi belte cu theih a si lo.

Tutiang ah Samuel nih a thahmi minung 34 an fehter khawh cang hna, a dang cu US police nih an kherhhlai cuahmah lio a si.

Samuel hi minung a thah lawng si loin mifir zong a si chih, nu tlaihhrem zong a hmang fawn. A sualnak ruang ah nunchung thonginn ah um ding ah biachah piak cangmi a si. BBC

caiku2

caiku1