US NASA nih van vawlei Mars ah robot an tumter khawh cang

Van vawlei tampi an um i Mars hi thiamsang scientist hna nih a sining thuk piin hlat an timh cuahmahmi a si, cucu tlinternak caah NASA nih tlamtling tein robot an kuat khawh cang.

Hi robot nih Mars a chunglei sining thuk piin kherhhlainak a tuah lai. NASA nih hi bantuk robot thami hmang in a dang van vawlei kherhhlainak an tuah bal rih lo, a dang van vawlei nakin Mars a sining thuk deuh in an thei lai tinak a si.

NASA nih biatak tein caan saupi timhtuahnak an ngei i an thlahmi a si caah tutan an hlawh tling sual lai lo an phang ngai, nain tlamtling tein an tumter khawh caah lawmhnak in an khat.

President Trump zong nih NASA phone a rak chawn hna i a lawmhpi hna nak kong a chimh hna.
sular1
Mars vawlei ah a tum le cangka in robot nih NASA sin ah hmanthlak a rak kuat colh hna, tlamtling ngai in rian a tuan colh.

NASA robot nih a kherhhlai dingmi pathum:

-Mars a chung lei ah zeitluk in lung a chah, zeitluk in dah lung a tam, minung umnak vawlei he lung an ngeih ning ai dannak.

-Mars a kih ning le a lum ning an tah lai, Germany sermi kihlum tahnak thilri tha an hman lai.

-Mars ai hel ning, atu kan vawlei ai hel ning he ai dannak a um le um lo theih khawh an i zuam lai.

Ref: BBC

sular