US police nih Wayne Rooney an tlaih, aruang an phuan cang

Manchester United a thawn lingcing ah an bochan taktakmi Wayne Rooney cu Dubai ah khual a tlawng i a rak kir lio Virginia airport ah US police nih an tlaih.

Rooney hi vanlawng chung ah sii a ding, sii a din hnu ah zuu tlawmpal a ding fawn caah sii le zuu ai cawh i airport a phak ah a rit deuh caah US police nih an tlaih hi a si tiah Rooney a biachimtu nih a phuan.

Police nih Rooney an tlaih hi December 16, 2018 ah khan a si cang. Atu lawng ah a sining taktak zapi sin an phuan hi a si. Bia an ceih piak i phaisa $25 an liamter, an thlah than colh.
tooney
Rooney hi Man U ah caan sau taktak a ummi a si, England captain zong a tuan bal. Man a um lio ah zapi nih an uar tuk ko, captain zong a tuan piak bal hna, nain a kum upa deuh hnu ah Everton nih an cawk, Everton ah sau um loin US club DC United nih an cawk than.

Anih hi nikum ah khan zuu a rit buin motor a mawng caah police nih an tlaih i kum 2 chung motor mawng an kham/ban.BBC