US president hlun George W. H. Bush a nunnak a liam

1989 in 1993 tiang US president a tuanmi George W.H. Bush cu tuzaan lei ah khan a nunnak a liam, a thih lio ah kum 94 a si cang.

W. H. Bush hi Ronald Reagan president a tuan lio ah term hnih chung vice-president a tuanmi a si. 1970s ah CIA lutlai bik director zong a tuan bal fawn.

Vawleipi ral 2nak lio zong ah US ralkap a tuan i biatak tein ral a tu ve, ralkap vanlawng mawngtu a rak si. US ram chung mizapi nih an upat ngaimi a si. A fapa George W. Bush zong 2001-2009 tiang US president a si ve.
gobu
Nai April thla ah khan a nupi Barbara nih a thih tak. A nupi a thih hnu in a dam lonak a zual chin lengmang i atu a nunnak a liam beh hi a si. CNN