US ralkap Pentagon nih raltuk tilawng kong ah President Trump an sik

John McCain min bunhmi US raltuk tilawng kong he pehtlaih in President Trump cu US ralkap zung lutlai Pentagon nih an sik, ‘ralkap le politics na cawh awk a si lo’ an ti.

Japan a tlawn lio ah White House nih John McCain min bunhmi raltuk tilawng langhter lo ding ralkap an chim hna. Tleicia John McCain cu a thih tiang ah President Trump a soiseltu a si, Trump he an i rem lo ngaingai.
maican
Trump le McCain hi an i rem lo tuk caah McCain min bunhmi raltuk tilawng hmuh a duh lo i langhter lo ding an chimh hna a si lai tiah an ruah, hi kong ah President Trump soisel a tong ngai.

Mah thawngpang zapi sin an phuan hnu in US ralkap zungchoh Pentagon nih White House cu ralrin an pek hna hi a si. Ralkap cu amah tein ram caah rian a tuanmi a si caah politics he cawh awk a si lo an ti.

John McCain cu US senator caan saupi a tuanmi politician minthang a si, 2008 ah Obama he president an rak i cuh i a sung. Nikum kha cancer zawtnak in a thi. BBC