US ram chung a kih ning tihnung tukmi level a phan, minung 5 an thi cang

Tulio US ram chung a kihning cu khuaruahhar lei a si, hmun cheukhat ah cun temperature hi minus 30C tiang bak a phan i minung 5 an nunnak a liam cang.

A kih biknak hi Midwest ummi US state hna hi an si. Wisconsin, Michigan le Illinois ah a kihning a zual khun. Snow tam tuk a tla fawn caah a leng chuah ngam zong a si lo.

Laimi tampi umnak Indiana zong ah a kih ning a zual tuk ve. Mawtaw in na kal i lampi ah pakhat khat ruang na taap sual ahcun na nunnak caah tih a nung tuk, rianrang in police kan chawn tiah police nih thawng an thanh.

A kihnak hi tuhnu ni tlawmpal ai peh rih lai, inn ah dai tein um hi himnak lamtha bik a si tiah nawlngeitu nih mipi an forh hna.

Snow a tla, thli a hrang fawn hlei ah a kih tuk fawn caah angkileng chah takmi i hruk lo ahcun a leng chuah ding tihnung tukmi dirhmun ah a um.

A kih tuk ruang ah sianginn tampi an khar rih, vanlawng tumnak hmunhma zong snow he a khat caah vanlawng tampi an zuang kho ti lo, tam taktak an cancel hna. BBC

voltex6

voltex5

voltex4

voltex3

voltex2

voltex1