US siizung riantuantu nih ai cawl kho ti lomi mizaw a tlaihhrem, an tlaih cang

US ram Arizona ah kum 29 nute cu ti ah a tlak hnu in a lung fim ti lo hlei ah ai cawl kho ti lo, siizung ah an chiah nain siizung riantuantu nih a tlaihhrem diam ko.

A tlaihhremtu Nathan Sutherland cu US police nih DNA an check i an fehter hnu ah an tlaih cang. A riantuannak siizung zong nih a rian an phuah. Bia an ceih piak lai i kum tampi thong tla ding a si.

A sualpimi nu hi nau a pawi i nai ah khan fa a ngei, a fa cu dam ngai ko. Nain, amah nih cun fa a ngei le ngei lo zong zeihmanh a thei kho ding dirhmun ah a um lo, a nung ko nain a thimi dirhmun ah a ummi a si.
pungcio2
Fa a ngei hlan ah cun a tlaihhremtu hi an thei kho rih lo, fa a ngei hnu ah DNA an check i siizung riantuantu DNA an check ve hnu ah Nathan Sutherland cu an tlaih hi a si. Nathan cu nupi le fa ngeicia a si.

Siizung lutlai bik cu a lungrawk i a ningzak tuk caah a rian a chiah tak, siibawi pakhat a rian an phuah i a dang pakhat amah tein ai phuak ve. BBC