US spy cung ah President Trump a thinhung tuk, ‘sianginn kai than ta u’ a ti hna

Iran nih nuclear hriamnam a ser lo, North Korea nih nuclear hriamnam a kaltak duh lai lo tiah US spy agency nih report an tuah i President Trump a lungrawk hringhran.

US intelligence nih zeitluk in dah Iran tih a nun timi an thei kho lo, Iran hi khawika hmun poah ah buainak le ral a sertu ram a si, zoh sawhsawh awk hrimhrim a si lo, US intelligence hna hi sianginn an kai than awk a si tiah President Trump nih a hro hna.

President Trump nih North Korea cu nuclear hriamnam kaltak ding a forh cuahmah lio a si. Kim Jong-un nih kan kaltak ko lai a ti cang.

Nain, US spy phu nih cun Kim Jong-un a biachim an zum lo, North Korea uktu an himnak caah nuclear hriamnam hi a biapi bik ah an ruah caah nuclear hriamnam an kaltak duh lai lo tiah an chim.

President pakhat nih a kuttang ummi spy phu zohchia in soisel hi a um bal theng lomi a si, nain President Trump nih cun US spy phu an thuat lengmang ko hna. BBC