US thimnak: A zaw tuk cangmi kum 82 tarnu vote a pek, a nunnak liam beh

Kum 82 a si cangmi tarnu Gracie Lou Phillips cu a zaw tuk i siizung ah a um, nain tutan thimnak ah vote pek a duh tuk caah vote peknak ah an kalpi i a pek hnu in a nunnak liam beh.

Siizung a um chung ah tutan thimnak kong lawngte a ceih, vote thlak ve a duhnak kong biatak tein a chim. A chim tuk hnu ah vote an pekter hi a si.

Vote peknak hmun ah cun a kal, mawtaw in an kalpi. Lam a kal khawh ti lo caah a mawtaw chung ah riantuantu nih vote peknak an rak put i vote an thlakter. Republican caah vote a thlak.

Tuni kha US ram chung Congress MP thimnak an tuah, tuzaan tlawmpal ah result a fiang thluahmah cang lai. Republican nih teinak an ngah lo ahcun Trump a riantuannak a har tuk cang lai tiah ruah a si. New York Post