US vice president nupi Karen Pence sianginn cachimh a timh, gay dirpitu an lungrawk

Pathian ai bochan ngaimi Vice President Mike Pence a nupi Karen Pence cu Khrihfa sianginn ah cachimh ding biachahnak a tuah cang, nain gay dirpitu liberal an lungrawk.

Ca a chimhnak ding sianginn Immanuel Christian School hi gay, lesbian le transgender a cohlang lomi private sianginn a si. Khrihfa nunzia ngeih ding a cawnpiaktu an si.

Mah sianginn ah hin Karen Pence kum 12 chung cachimhtu a rak tuan bal cang, caan karlak ai din i atu tuan than ding biachahnak a tuah hi a si.

Sianginn cawnpiaknak ah thitum hlan sex tuah, nupi or pasal pakhatnak tam ngeih le hramhram in nu sualpi tibantuk hi nunzia dawhlo taktak an si tiah an tial.

Thitumnak cu nu pakhat le pa pakhat kar lawng ah tuah khawh a si, pa le pa or nu le nu kar ah thitumnak tuah khawh a si lo timi cawnpiaknak zong an tuah chih.

Vice President Mike Pence le a nupi Karen hi Pathian ai bochan taktakmi an si, an biachimnak ah Pathian min an telh lengmang. Fa pathum an ngei. BBC