US Virginia: Mi pakhat nih meithal in cozah riantuantu a kah hna, 12 an thi

US ram Virginia state ah cozah riantuantu pakhat nih a riantuannak sipyin zung ah a riantuanti hawi hna cu meithal in a kah hna i minung 12 an nunnak a liam.

Police pakhat telh in a dang minung 6 hliamhma an hmu. Misualpa zong police he an i kah nak ah a nunnak a liam ve.

Virginia Beach khuapi sipyin zung ah misualpa cu meithal he a ra i a hmuhmi poah poah a kah hna hi a si. Zeiruang ah dah a kah hna timi theih a si rih lo.

Misualpa hi bawmtu minung a ngei lo, amah lawng a si ko tiah police nih an chim. Local police le FBI nih thil sining dikthlir deuh in an kherhlai cuahmah.

Virginia Beach khua hi Virginia state ah milu chah biknak khua a si, minung ting 5 deng an um.

US ah minung pakhat nih meithal in mi tampi thah hi a um lengmang. Fawi tuk in meithal i cawk khawh a si ruang ah meithal kahnak a tam, meithal fawi tein cawk khawhnak phih awk a si tiah tampi nih an chim theu. BBC

vaicai3

vaicai2

vaicai1