US Washintong state ah thih hnu pumsa vawlei canternak kong upadi thar an ser cang

US ram Washington state upadi sertu MP hna nih minung kan thih hnu pumsa kong ah upadi thar an ser cang, pumsa kha phum loin vawlei ah canter khawhnak nawl an onh.

US ram chung ah thlan sernak vawlei a tlawm chin lengmang, a man zong a fak. Mah kong ah hin tampi harnak an tong. Nain, atu cu lamdang an ser cang, thlan ah phum hau loin vawlei canter khawhnak nawl an ser.
compt
Ka pumsa hi thlan ah phum loin vawlei ah canter colh ka duh ko tiah bia ai kammi hna cu an thih tikah phum loin vawlei ah an canter colh hna lai, minung thiamnak hmang in pumsa vawlei ah canter hi ni 30 lawnglawng a rau.

Pumsa in a chuakmi vawlei cu chungkhar pek an si lai, chungkhar nih cu vawlei hmang in thingkung le pangpang cin khawh a si lai. Pawngkam zohkhenhtu tampi nih cun mah idea hi an uar ngaimi a si.

US ram chung ah pumsa vawlei canter khawhnak(human composting) nawl hi Washington state lawng ah a ngah, a dang state ah cun a ngah rih lo. Ramdang ah cun Sweden ah a ngah ve. BBC