US Wisconsin: Nungak no te fir a duh caah a nulepa a thah hmasa hna

Kum 21 a simi US pa Jake Thomas Patterson nih nungak no te fir a duh i nungak nu a nulepa a thah hmasa hna, nungak nute cu thla thum chung a sin ah a hren.

Fir a tongmi Jayme Closs hi a thli tein a chuak i a zam, pawngkam nih an hmuh. Police an chawnh colh hna i misualpa an tlaih khawh hi a si.

October 15 ah khan Jayme hi a tlau cang, a nulepa ruak cu an inn ah police nih an hmuh hna. Thla 3 hnu lawng ah mithattu le nu firtu an theih khawh tinak a si.

Thomas Patterson nih nungak nute hi zeitindah a theih, zeiruang ah dah fir a duh i a fir timi theih fiang a si rih lo.

Pawngkam nih Jayme an hmuh lio ah Jayme cu a thurhnawm ngai, thil chiahru ngai ai hruk, nu pakhat nih a hmuh lio ah cun ‘mitthla ah ka rel ko’ tiah a chim.

Jayme nulepa an ruak in an char hna i Jayme a tlau beh hnu in US police nih hmun kip ah Jayme an kawl. BBC